Umsóknar- og kaupferli búseturétta í Naustabryggju

SKREF 1 - Innskráning á „Minn Búseti“

• Til að sækja um íbúð, eina eða fleiri, þarf að skrá sig inn á „Minn Búseti“ með rafrænum skilríkjum eða kennitölu og lykilorði.
• Umsækjandi þarf að vera skuldlaus félagsmaður til að geta sótt um búseturétt.
• Mikilvægt er að gilt netfang sé skráð við félagsaðildina.
• Ef umsækjandi er ekki félagsmaður getur hann skráð sig með því að smella á eftirfarandi tengil og gerast félagi. Skráning tekur stutta stund.

SKREF 2 – Umsókn fyllt út

• Þegar komið er inn á „Minn Búseti“ er hægt að sækja um þær íbúðir sem eru lausar. Hægt er að sækja um fleiri en eina íbúð.
• Þær íbúðir sem umsækjandi velur safnast saman í „Mínar umsóknir“. Mikilvægt er að raða völdum íbúðum í forgangsröð. Við úrvinnslu umsókna er notast við þessa röðun og ef umsækjandi fær íbúð er eytt út úr umsóknarferlinu þeim íbúðum sem eru neðar í röðinni hjá viðkomandi.
• ATH umsóknarfrestur rennur út kl. 12:00 föstudaginn 16. september 2022.

SKREF 3 – Úthlutun

• Úthlutunarlisti (listi yfir röð umsækjenda) verður birtur á www.buseti.is kl. 10:00 mánudaginn 19. september.
• Tölvupóstur er sendur á efsta umsækjanda á listanum með tilkynningu um úthlutun. Sá umsækjandi verður að staðfesta úthlutunina fyrir kl. 14:00 á úthlutunardaginn með því að svara tölvupóstinum. Að þeim tíma loknum er haft samband við næsta umsækjanda á listanum.
• Ef umsækjandi hyggst nýta sér lán sem kaupendum stendur til boða, þarf hann að tilkynna það til Búseta. Lánið er háð lánareglum Landsbankans og er veitt að undangengnu greiðslumati bankans. Í eftirfarandi tengli má lesa um lánakjör vegna kaupa á búseturétti

SKREF 4 – Bráðabirgðasamningur og greiðsla búseturéttar

• Ganga þarf frá bráðabirgðasamningi vegna kaupa á búseturétti innan sjö virkra daga frá úthlutun og greiða búseturétt. Kostnaður vegna kaupanna er kr. 140.000,-
• Bóka þarf fundartíma í síma 556 1000 eða sendið tölvupóst á buseti@buseti.is<t er að hafa samband við sinn viðskiptabanka fyrir fundinn og láta vita af upphæð millifærslunnar.
• Hægt er að sækja um lán hjá Landsbankanum, viðskiptabanka Búseta fyrir allt að 50% af virði búseturéttarins. Upplýsingar um hámarkslánsfjárhæð er í auglýsingu. Um lánamöguleika og -kjör má lesa hér
• Þegar farið er á milli búsetaíbúða gengur eldri búseturéttur upp í þann nýja, að frádregnum kostnaði. Hér má nálgast verðskrá
• Íbúi verður að vera í skilum með búsetugjöldin. Landsbankalán getur færst á milli íbúða. Hvert tilfelli er þó skoðað fyrir sig þegar að samningsgerð kemur. Að öðrum kosti er lán greitt upp.
• Ef hjón eða sambúðarfólk ætlar að vera skráð saman á samninginn þurfa báðir aðilar að vera félagsmenn. Árgjald félagsaðildar er kr. 5.500,-

SKREF 5 – Afhending íbúðar

• Fulltrúi frá Búseta framkvæmir úttekt á íbúðinni, ásamt kaupanda og afhendir honum svo lykla.
• Búsetugjaldið er greitt fyrirfram og þarf að vera greitt fimm dögum fyrir afhendingu lykla. Krafa verður send í heimabanka.
• Athugið að réttur til vaxtabóta fylgir búsetaíbúðum með almennum lánum. Tekjur og eignir búseturéttarhafa hafa áhrif á upphæð bótanna, sem og vaxtagjöldin sem greidd eru inni í búsetugjaldinu. Ekki er hægt að fá húsaleigubætur vegna íbúða við Naustabryggju. Hér má nálgast upplýsingar um vaxtabætur
• Skrifstofan sér um að láta þinglýsa búsetusamningunum.
• Athugið að búsetugjöldin taka mið af áætlun sem mun leiðréttast þegar raungjöld falla til, s.s. endanlegt fasteigna- og brunabótamat á eignirnar og hússjóður þegar húsfélag er stofanað.